Salmenes bok 67 N78NN

1. Til korleiaren. Til strengespel. Ein salme. Ein song.

2. Ver oss nådig, Gud, ¬og velsigna oss! Lat ditt andlet lysa hjå oss, Sela

3. så din veg vert kjend på jorda, di frelse mellom alle folkeslag.

4. Folka skal prisa deg, Gud, ja, alle folk skal prisa deg.

5. Folkeslag skal gledast og jubla; for du dømer folka ¬med rettferd og leier folkeslaga på jord. Sela

6. Folka skal prisa deg, Gud, ja, alle folk skal prisa deg.

7. Landet har gjeve si grøde, Herren vår Gud har ¬signa oss.

8. Gud velsigne oss! Gjev alle folk på jord må ottast han!